CAGAYAN DE ORO CITY – Gikasuhan na sa frustrated murder ang upat sa 15 ka mga sekyu nga maoy nagbantay sa 900 ektaryang yuta nga gihimong plantasyon sa pinsya sa Purok 18,Brgy Kiantig,Quezon,Bukidnon.
Kini human milugwa sa imbestigasyon sa kapolisan nga sila ang namusil sa grupo ni presidential candidate Leodegario ‘Ka Leody’ de Guzman samtang gikuyugan ang tribung Manobo nga sudlon ang bakanteng luna aron puy-an nila’g balik.
Gibutyag ni Police Regional Office 10 Director Brig Gen Benjamin Acorda Jr nga natumbok ang mga suspek pinaagi sa mismong mga testigong lumad nga kabahin sa gipangpusil niini gamit ang shotguns ug mugbong kalibre sa armas.
Hinoon,wala pa sa ilang kustodiya ang gipugngan una manganlan nga mga sekyu apan hugot nang gi-monitor ang sa mga otoridad.
Nasuta nga maoy nagdumala sa Kiantig Pineapple Plantation ang mga pag-umangkon ni Quezon Mayor Pablo Lorenzo III nga sila Marco ug Vince Lorenzo.
