CAGAYAN DE ORO CITY – Gihagit sa pipila ka kaparian sa simbahang Katoliko ang mga senador nga subay sa konsensiya ug dili pinaagi sa kuwarta ang makab-ot nila nga hukom sa pagtaral kang Vice Pres Sara Duterte.
Kini ang gipadayag nga mensahe ni Msgr Rey Manuel Monsanto,consultor sa Archdiocese sa Cagayan de Oro kabahin sa gidangatan ni Inday Sara nga susama kaniya nga naggikan sa Davao City.
Miingon si Monsanto nga unta patas ug subay sa makiangayon nga pagkab-ot sa hukom ang buhaton sa mga senador sa impeachment complaint nga giatubang sa bise-presidente.
Hisayrang tungod sa tinguhang mawala isip babag si Duterte sa administrasyon sa 2028 elections,nagkahiusa ang ubay-ubay’ng grupo aron makamugna’g isyu diin nagsumikad ang dul-an napulo ka articles of impeachment nga kinahanglan niya e-depensa sa senado.
