Mga senador lang ug dili ang presiding officer ang magdesisyon sa impeachment trial batok kang Vice President Sara Duterte.
Gipasabot ni Attorney Arturo Ubaub sa ART and Partners nga walay katungod nga mobotar si Senator Chiz Escudero isip presiding officer sa impeachment court gawas lamang kon magtabla ang boto sa mga senador.
Dugang pa niini, kinahanglan gihapon nga makuha ang 2/3 nga boto sa tanang mga presenteng senador aron makahimo og pinal nga hukom sa pagtangtang sa pwesto.
Busa, ang mahimong desisyon magdepende gayud sa tibuok sakop sa impeachment court ug dili sa usa lamang ka tawo.
