CAGAYAN DE ORO CITY – Gihimuan pa sa pakisusi sa mga otoridad kung kinsa ang tag-iya ug mga tawo nga kabahin sa nagpalusot sa sinakong minerals nga gitoohang resulta sa illegal mining operations sa Zone 4,Brgy Limonda,Opol,Misamis Oriental.
Kini human nabawian sa mga personahe sa 2nd Provincial Mobile Force Company sa Misamis Oriental-Philippine National Police ug Opol Police Station sa mga kontrabando ang mga nakasibat nga suspected illegal miners sa lugar.
Gibutyag sa Opol-PNP nga nakompiskar ang maong mga kontrabando epekto sa impormasyon nga nakaabot kanila kabahin sa illegal nga kalihukan.
Gitoohan nga paspas nanibat ang mga nagpalusot sa mga sakop nga puno sa minirales kay halos moabot gatos kilometros ang ginlay-on sa lokasyon gikan sa sentrong bahin sa Opol.
Tungod niini, gikustodiya una sa kapolisan ang mga kontrabando ug gisuta kung kinsa ang mga tawo nga utok sa kalihukan aron kasuhan sa pagsupak sa Philippine Mining Act of 1995.
Hisayrang ang lungsod sa Opol ug silingang mga munisipyo sa westeng bahin sa Misamis Oriental ang nailado nga anaa ang illegal mining operations sa lugar.
