CAGAYAN DE ORO CITY – Gitahasan karon ang National Bureau of Investigation 10 pag-imbestigar kabahin sa mga personalidad nga nalambigit sa paggamit sa mga peke nga birth certificates.
Kini human nasuta nga migamit sa dokumento ang negosyanteng si Tony Yang nga usa ka Chinese national apan nahistro isip Antonio Mahestrado Lim sa Misamis Oriental.
Miingon sa NBI 10 regional director Atty Patricio ‘Pipo’ Bernales nga may mga gilihok sila nga mga impormasyon kabahin sa maong kontrobersya.
Nagsumikad ang pagkabulgar sa pagpalusot sa pipila ka govt agencies sa fake birth certificates dihang nabulgar nga illegal POGO activities diin nasapon si kanhi Bamban Mayor Alice Guo nga tipik sa nagpadagan niini ug kasosyo usab ni Yang.
Hisayrang si Yang ang tag-iya sa sirado na nga POGO facility sa Brgy Cugman ug planta sa puthaw sulod sa Phividec nga gipasudlan sa 2-mil ka foreign workers o players.
