CAGAYAN DE ORO CITY-Gi-relib na ang tanan naka-detail nga sundalo sa Kibongkog military base sa San Fernando Bukidnon.
Gibutyag ni 4ID spokesperson Ist Lt Tere Inghente nga mipadulong na ang mga miyembro sa gitukod nga Board Inquiry aron sutaon ang tinood nga hitabo human giransak sa ilegal gold miner ug kanhi rebel returnee nga si alyas Butsoy Salusad ang ilang detachment.
Bisan walay timeline sa gipangayong resulta, gusto ni 4ID Major General Rolando Villanueva nga makuha ang resulta sa imbestigasyon sa daling panahon.
Dugtong niini, wala gisalikway ni Inghente ang pagduda nga inside job ang pagransak sa kampo ni Butsoy, human gihimo niyang konsabo ang duha ka mga CAFGU members.
