CAGAYAN DE ORO CITY- Gihagit ni Msgr Elmer Abacahin,presidente sa Cagayan de Oro Press Club o COPC ang mga sundalo ug kapolisan nga ipabilin nga tahuron ang katungod sa katawhan dinhi sa Mindanao.
Gihimo ni Abacahin ang pahayag tungod sa gilugwayan nga martial law aron magukod pa ang mga teroristang Maute-ISIS sa Marawi City,Lanao del Sur.
Gibutyag ni Abacahin kinsa survivor sa unang martial law sa panahon ni kanhi Pres Ferdinand Marcos nga ang martial law nga gipatuman ni Pres Rodrigo Duterte ang dako’g kalainan diin matinahuron ang mga sundalo ug militar sa mga sibilyan.
Samtang mibatig pangpangharas ang grupo sa mga batan-ong psycho-social counselors, peace advocates ug youth volunteers human giharangan ang ilang pagsulod padulong sa Brgy. Mandulog, Iligan City sa nag checkpoint nga mga sakop sa militar kahagapon sa buntag .
Saysay sa mga kabatan-onan,usa ka klase sa pagpanghulga ang gihimo sa mga militar ilabina nga gipamatud-an nilang usa ka lehitimong aktibidad ang ilang pagbisita sa maong barangay.
Gibutyag ni Christine Cabardo,presidente sa Legue of Filipino Student Northern Mindanao Chapter nga tuyo nilang muhatag sa pyschosocial nga serbisyo ug relief goods sa mga bakwit nag nagpasilong sa bukid nga bahin sa Iligan City.
Inay duyugan sa militar, gikasubo nila nga na-alaan pa silag mga raliyesta.
Dugtong niini,masaligon si Regional Peace and Order Council o RPOC chairman City Mayor Oscar Moreno nga masulbad na ang kagubot sa Mindanao.
Kini tungod sa gilapdan nga pagpatuman sa Martial Law aron masanta ang bahad sa terorismo.
Gipasalig usab ni Moreno nga anaa sa normal nga sitwasyon ang syudad bisan sa mga bahad nga bombahan kini sa mga terorista.
