CAGAYAN DE ORO CITY – Hayan nga matangtang sa serbisyo ang pipila ka army officials tungod sa pagkalusob sa Cafgu detachment sa Patrol Base sa New Tubigon, Sibagat, Agusan del Sur.
Giila ni Major General Rolnald Villanueva- commanding general sa 4th Infantry ‘Diamond’ Division, Philippine Army ang mga sakop sa sundalo nga silang Corporal Danilo Carino ug PFC Erick Calapan samtang laing 12 ka Cafgu members ang lakip gidagit sa rebeldeng New People’s Army o NPA.
Miingon si Villanueva nga may team na sila nga giporma aron masundan ang lokasyon sa mga rebelde nga midala sa daghang armas gikan sa detachment.
Lakip sa mga nadala sa rebelde ang mga armas nga M16, M14 ug machine gun.
Nagmando na si Villanueva nga lakagon gayud sa bisan asang suok motago ang mga responsabeng NPA.
