CAGAYAN DE ORO CITY – Gisab-itan sa gold cross medals ang halos 20 ka sundalo nga gikan sa 901st ug 401st Infantry Batallion ,Philippine Army kabahin sa pagka-patay sa taas nga opisyal sa Northeastern Mindanao Regional Committee ng Communist Party of the Philippines-New People’s Army (CPP-NPA) nga nakabase sa Caraga Region.
Gipanguluhan nila ni Armed Forces of the Philippines Eastern Mindanao Command commander Lt Gen Luis Rex Bergante ug 4ID commander Brig Gen Michelle Anayron Jr ang paghatag pasidungog gumikan sa resulta sa engkuwentro nga gikamatay kang Myrna Sularte alias Maria Malaya nga nagsilbing kalihim sa CPP-NPA Northern Mindanao-Caraga regions.
Gibutyag ni Bergande nga ang paghatag-saludo sa ilang mga sundalo ang gihimo sa 4ID Headquarters nga nakabase sa Camp Evangelista ng Cagayan de Oro City isip pagyukbo sa estado sa hingpit nga kamatayon ni Sularte.
Si Maria Malaya ang dugay nang gigukod sa gobierno tungod sa daghang mga sundalo na nga napatay usab niini sa mga engkuwentro sa rehiyon sa Caraga sa halos 30 ka tuig nga pakig-asdang niini sa kalihukan.
Hisayrang si Malaya ang kapikas ni CPP-NPA national operations head Jorge Madlos alyas Ka Oris nga napatay usab sa operasyong-militar sa Bukidnon niadtong Oktobre 2021.
