CAGAYAN DE ORO CITY-Gusto ni City Police Director Sr Supt Nelson Aganon nga ipadali ang pagsikop sa upat suspek nga mitulis ug midunggab-patay sa college student sa Sitio Taguanao, Brgy Indahag sa dakbayan.
Kini human nangayo’g hustisya ang pamilya sa biktima nga si Josram Maula sa sakit nga kamatayon niini.
Gibutyag ni Aganon nga dili nila undangan ang pagpangita batok sa mga suspek aron mataral sa husgado gumikan sa kremin nga ilang nahimo.
Si Maula ang pauli na unta gikan sa Southern Philippines College dihang pugsanong gikuha ang iyang mahalong celphone sa upat ka suspek sa miaging gabii.
Naigo sa li-og ang biktima hinungdan sa kamatayon niini paghidangat sa ospital.
