CAGAYAN DE ORO CITY – Iduso na sa kapolisan ang kasong murder batok sa mga suspek nga mipusil-patay sa traffic enforcer sa piskalya ning syudad sa dili madugay.Gibutyag ni City Police Director Sr Supt Ronnie Francis Cariaga nga andam na ang ilang ipasaka ang kaso pinasikad sa testimonya nga giyagyag sa gihuptan nila nga mga testigo nga nakasaksi pagpusil-patay sa biktima nga si Chris Nacalaban Cabingas sa Guillermo-JR Borja Streets sa syudad sa miaging semana.
Miingon si Cariaga nga naglihok na usab ang ilang mga tracker team nga ubos sa Special Investigation Task Group Cabingas sa pagsiguro nga masikop ang mga suspek nga mipatay sa biktima.Si Cabingas ang dul-it nga gipusil sa usa sa mga suspek gamit ang kalibre 45 ayha sibat sa motorsiklo niadtong gabii sa petsa 30 sa Disyambre 2016.Samtang nasikop sa kapolisan ang suspek pagdunggab-patay sa lalaki nga unang makig-vigil unta sa haya ni Cabingas diha sa Piaping Itom,
Brgy Macabalan ning syudad sa miaging gabii.Kini human nahiagom sa igo dinunggaban ang li-og sa biktima human dunggaba sa 21 anyos nga suspek sa maong dapit.
Miingon si PO2 Terencio Virtudazo sa Macabalan Police Station nga nahitabo ang pagpanunggab tungod sa init nga tinan-awan sa biktima nga si Justin David ngadto sa suspetsado.Nasuta usab nga daghan nang higayon nga sulod-gawas sa bilangguan ang suspek tungod sa pagkabuluyagon niini.
