CAGAYAN DE ORO CITY-Gikasuhan na sa multiple murder ug frustrated murder ang napulo ka suspek nga gilakipan sa brgy kapitan nga responsable pag-ambush-patay sa mga ahente sa PDEA-ARMM sa Brgy Malna,Kapai,Lanao del Sur.
Kini human kabahin sa mga gitumbok nga suspek sila si Brgy Kapitan William Omar Gandawali;Jamel Borar alyas Memekan,Oskar Capal Gandawali,Jamal Lolo Amboloto,Mizangkad Panonde Gandawali,Palawan Salem Macalabo,Lala Lolo Amboloto,Aiman Guro Gandawali ug laing duha ka sibilyan nga pulos taga-Brgy Inodaran,Tagoloan,Lanao del Sur.
Gipaniguro ni PDEA Dir Gen Aaron Aquino nga masikop ang mga suspek aron mahatagan sa hustisya ang gidangatan sa iyang mga ahente.
Kabahin sa mga namatay sa mismong pag-ambush sila si PDEA agents Kenneth Tabulo, Kristine Mae Torlao, Lores Joy Amar, Binzo Dipolla ug Diobel Pacinio diin giduaw ni Pres Rodrigo Duterte kagahapong adlawa.
