Nailhan na sa kapolisan ang mga suspek sa pagpatay kang USTP president Dr Ricardo Roturas.
Matud ni Cagayan de Oro City Police Office o COCPO spokesperson C/Insp Mardi Hortillosa nga may “person of interest” na sila sa responsable sa krimen apan ila una gitago ang identity niini tungod kay nagpadayon pa ang ilang imbestigasyon.
Gipasalig ni Hortillosa nga ilang iyagyag sa publiko ang mastermind sa maong krimen inig-kahuman sa imbestigasyon sa Special Investigation Task Group o SITG Rotoras.
Og nagpasalig usab si Hortillosa nga mahataga’g hustisya ug masilotan ang mga suspek nga mipatay kang Rotoras.
Si Hortillosa miingon nga tanang anggulo ang ilang giimbestigaran aron masiguro nga walay maangin nga mga inosente base sa kamanduan ni City Mayor Oscar Moreno.
Matud ni Hortillosa nga maoy ilang giimbestigaran ang anggulo sa trabaho,negosyo ug sa personal nga kinabuhi ni Rotoras.
Nanganti si Hortillosa nga sa dili madugay mailhan na ang mastermind sa pagpatay kang Dr Rotoras.
