CAGAYAN DE ORO CITY-Pabiling gawasnon pa ang mga suspek sa miransak sa patrol base sa militar sa Kibungkog, San Fernando, Bukidnon sa miaging adlaw.
Matud ni 4th ID spokesperson 1Lt Tere Ingente nga padayon pang gisuta sa militar ang lokasyo sa lider sa miransak sa kampo nga si Lawless Armed Group leader Aldie Salusad alyas “Butchoy”.
Nadala sa mga suspek 15 ka high powered firearms nga gilakipan sa 2 ka R4 riffles; 8-M16 rifles; 1-carbine; 4-garand rifle; 1-Harris Radio, cellphones, uniporme sa sundalo ug combat packbags.
Una nang naransak ni Butchoy ang patrol base human makigkunsabo sa duha ka CAFGU nga sila si Ruben Subuan ug Malon Dandalan ug laing walo ka kauban.
Samtang,gikompirmar usab ni Ingente nga gi-relieve sa ilang pwesto ang mga sundalo nga naka-detail sa patrol base nga giransak sa Bukidnon.
Si Ingente miingon nga gihimo kini aron mapadali ang imbestigasyon kon nganong naransak ang maong patrol base.
Gani, kabahin usab sa gilangkat sa pwesto si Sgt Junio, ang assistant patrol base commander nga giggapos sa duha ka mga CAFGU aron makuha ang 15 ka armas ug ubang kagamitan sa miaging semana.
