PC: PNP Lanao del Norte
CAGAYAN DE ORO CITY-Kasuhan sa 4 counts sa murder ug laing 3 counts sa frustrated murder ang dakong pamilya sa mga pulitiko nga mi-ambush kang Pantao Ragat Mayor Mohammad Lacson Lantod sa piskalya sa Lanao del Norte.
Kini human namatay sa pag-ambush sa 10 ka armadong lalaki ang upat ka kauban ni Lantod ug laing tulo ang samaron atol sa on site project inspection sa maong lungsod.
Miingon si Lanao del Norte Provincial Police Office Director Sr/Supt Leopoldo Cabanag nga natumbok na nila ang utok sa kremin apan gipugngan una nila samtang gipangita nga dugang ebendisya kabahin sa hitabo.
Giangkon ni Cabanag nga ang mi-ambush kang Lantod sa tuig 2004 ug 2009 ang susamang grupo sa pamilya ra gihapon ang mihimo niini sa miaging adlaw’ng Domingo.
