CAGAYAN DE ORO CITY – Gipasabot ni DENR -EMB 10 regional director Reynaldo Degamo nga wala kanila ang hurisdiksyon aron modungog sa kaso nga ipasaka sa pipila ka brgy opisyal batok sa mga tag-iya sa barko nga nakahatag kahugaw ug kadaot sa kadagatan sa lungsod sa Jasaan,Misamis Oriental.
Kini human unang gilaraw ni Lower Jasaan Brgy Kap Sabas Tagarda Jr nga mokaso batok mga tag-iya saa naunlod nga barko nga MV Tower 1 nga sila si Sherwin Doctora ug Lord Sanny Salvaña tungod sa dili makiangayon nga paghatag ayudang pinansyal sa mugna nga kadaot sa ilang lugar.
Miingon si Degamo nga angay idangop ni Tagarda sa PCG-10 ang ilang reklamo kay naka-pokus lamang ang ilang hurisdiksyon sa land-base nga pagkahugaw sa kinaiyahan ug dili sa kadagatan.
Hisayrang lima ka brgy ang naabtan sa oil spill sa dihang natigayon ang pag-unlod sa maong barko.
