CAGAYAN DE ORO CITY, Philippines – Misamot ka daghan ang ihap sa mga fresh graduate nga walay trabaho. Pag-angkon kini ni National Statistician Claire Dennis Mapa, sa Philippine Statistics Office.
Miingon si Mapa nga sa bulan sa Hulyo misaka pa sa 4.7% ang jobless rate sa Pilipinas.
Mas taas kini sa 3.1% unemployment rate sa Hunyo.
Kini nagpasabot nga mitubo pa sa 2.38 milyon ka mga pinoy ang walay trabaho, samtang 1.52 milyon ang unemployed sa Hunyo.
Sa pikas bahin, gibutyag ni Mapa nga namintinar sa nasud ang underemployment rate nga 12.1%, kundiin 5.78 milyon ka mga job hunters ang gapangita sa dugang oras sa pagtrabaho ug mikuha’g sideline aron mapun-an ang ilang dili pasigo nga suhulan sa usa ka bulan.
Kini nga ihap matandi sa 6.08 milyon ka mga jobseekers sa Hunyo.
Sa milabay’ng Hulyo anaa nalang sa 50.7 milyon ang dunay trabaho gikan sa 51.9 milyon sa Hunyo.
Base sa istatistika, ang mga sector nga kanunay hiring matag tuig mao ang Wholesale and retail trade; repair of motor vehicles and motorcycles (1.7 million); Agriculture and forestry (936,000); Accommodation and food service activities (512,000); Public administration and defense, compulsory social security (385,000); ug Construction (171,000).
