CAGAYAN DE ORO CITY – Gipanganti sa bag-ong commander sa Western Mindanao Command (Westmincom) nga si MGen. Cirilito Sobejana nga ilang paningkamutan nga mahurot na’g kapulbos ang mga Abu Sayyaf sa Sulu sulod ning tuiga.
Ang panganti gihimo sa opisyal atol sa change of command ceremony nga gipangulohan ni AFP Chief of Staff General Benjamin Madrigal sa Zamboanga City.
Si Westmincom spokesperson Maj. Arvin Encinas miingon nga paningkamutan ni Sobejana nga mahimo ang tahas kaniya ni General Madrigal nga hutdon ang mga terorista.
Hisayran nga si Sobejana ang kanhiay Commander sa 6th Infantry Division, Philippine Army ug member sa Philippine Military Academy Class of 1987.
