CAGAYAN DE ORO CITY -Gihuptan sa militar ang lig-ong mga ebedensiya batok sa siyam ka pulis nga mipatay sa upat ka sundalo nga sakop sa intelligence group nga natahasan pagdakop sa suicide bombers nga naglihok sa Jolo,Sulu.
Kini human nagsunod ang mga kauban nila ni Maj Marvin Indamog diin nagsaksihan niini kon giunsa sila pagtratar sa mga pulis nga sakop sa Jolo Municipal Police Station.
Miingon si AFP Western Mindanao Command spokesperson Maj Arvin Encinas nga naghimo’g intelligence work ang grupo ni Indamog dihang giharang sila sa grupo ni Polic Staff Sgt Almudzrin Hadjaruddin ug wala madugay gipangpusil.
Wala na makasukol ang mga biktima sa pagtoo nga dili sila unsaon sa maong mga pulis nga miimbestigar kanila.
Nanganti ang militar nga hataga’g hustisya ang gihimong pagpatay sa mga suspek ngadto sa mga biktima sa miaging Lunes sa hapon.
