Wala nawad-an og paglaom ug padayon sa pag-organisa ang mga tigsuporta ni Bise Presidente Sara Duterte taliwala sa giatubang niining kasong grave threats sa korte sa Quezon City ug impeachment trial sa Senado.
Gipamatud-an ni Sara na Movement Philippines – Iligan President Sammy Racmat nga palaban ug dili papilde ang bise presidente batok sa ilang gitawag nga dili tinuod nga mga pasangil gawas ug sulod sa korte.
Gitin-aw sa maong lider nga wala gayud sila gipangluya taliwala sa mga dakong kalbaryo ug kontrobersiya nga gipang-atubang karong panahona.
Gumikan niini, mas gipahugtan pa sa ilang pundok ang pag-organisa sa mga tawo aron suportahan ang bise presidente. Luyo sa tanang pagsuway, nagtoo ang ilang grupo nga pinaagi sa ilang mga lihok masiguro ang pagpatarong ug pagpanalipod sa tibuok nasod.
