CAGAYAN DE ORO CITY- I- presentar karong adlawa sa militar sa usa ka hotel ang mga tinun-an nga kanhi aktibong sakop sa rebeldeng New People’s Army o NPA nga naglihok dinhi sa rehiyon.
Kini aron ibulgar sa maong mga kanhi NPA member kon giunsa sila paghaylo sa mga progresibong pundok hangtod nga nakasaka sa bukid aron makig-away sa gobierno.
Miingon si 403rd IB,Philippine Army commander Brig Gen Edgardo de Leon nga gihimo nila kini aron masayod ang publiko ilabina ang mga ginikanan kabahin sa binuhatan sa NPA diha sa nagkadaiyang mga unibersidad ug colleges sa rehiyon.
Una usab niini,nagdumili si De Leon pagkompirmar kabahin sa pagka-missing sa 18 ka tinun-an sa dakong unibersidad nga giingong nagpasakop na sa mga rebelde.
