Apektado na ang 10% nga ihap sa mga tugpahanan sa Estadus Unidos sa nagpadayong government shutdown.
Gitin-aw ni US Transportation Secretary Sean Duffy, sa press briefing nga 10% lamang nga mga pagbiyahe ang nakunhuran, gikan sa 40 ka mga dagkung airports sa ilang nasud.
Namugos si Duffy nga seguridad ang tumong sa pagkunhod sa operasyon kay hangtud karon wala pa makadawat sa suhulan ang mga empleyado sa gobyerno ug kasagaran kanila, mibiya na sa trabaho ug misalmot sa lapad nga mga lihok protesta.
Hisayran nga miabot na sa ika-37 ka adlaw ang shutdown ug mao kini ang labing dugay, subay sa kasaysayan sa Amerika.
Una nang nagpadayag ang mga airline companies nga daghang air traffic controllers ug TSA agents ang napugos sa pagtrabaho nga walay bayad, hinungdan sa kakulang sa staff ug kalangan sa mga biyahe.
