CAGAYAN DE ORO CITY – Gipasalig sa Kampo Alagar diin nakabase ang Police Regional Office 10 ang pagsulbad sa kamatayon sa sekyu nga tinuyong gipusil-patay sa armadong grupo nga mitulis sa plana sa puthaw sa Brgy San Martin,Villanueva,Misamis Oriental sa miaging kadlawon.
Gihimo ni PRO 10 spokesperson Police Major Joann Navarro ang garantiya nunot sa inisyal nga pagduso’g kasong homicide,frustrated homicide ug pagpanulis batok sa wala una nangali nga mga suspek sa kremin.
Namahayag si Navarro nga dili layo ang posibilidad nga dunay kakunsabo ang mga tulisan sulod sa Mindanao Talakag Steel Corporation rason nga paspas nga natigayon ang kremin.
Dumduman nga maoy gipatay sa mga suspek ang sekyu nga si Celso Palma nga lumad-taga Davao City;samaron usab si Teodem Colonia apan gidakop ug nakuhaan sa gitoohang shabu ang empleyado nga si Reynante Perez kay kadaduhan ang mga lihok nga ka-konsabo sa mga suspek nga mikawat sa 1.3 milyones cash ug balor 200-mil pesos nga mga alahas.
Samtang gi-depensa usab sa PRO -10 kon nganong wala mapugngi sa kapolisan ang pagkatulis sa planta nga nag-resulta pa sa kamatayon sa nagbantay nga sekyu ug laing usa ang angol.Kini taliwala nga nakabase sa maong lungsod sa mismong provincial police office sa PNP.
Namahayag si Navarro nga gipa-esplikar na nila ang tropa sa MisOr PNP kon nganong nalutsan ang seguridad sa probinsya.
Gipasalig sa Kampo Alagar nga dili hunungan ang paggukod sa mga tulisan aron mahatagan sa hustisya ang gidangatan sa duha ka mga sekyu sa maong pagpanulis.
