CAGAYAN DE ORO CITY – Nagtoo si mayoralty candidate Pompee La Viña nga dili masulbad ang problema sa trapiko sa dakbayan hangtud magpabilin ang mga dili kuwalipikado nga mga sakop sa Road and Traffic Administration.
Sumala ni La Viña nga pulos mga taga-Balingasag ang gipang-hire nga RTA sa kasamtangang administrasyon hinungdan nga dili nila memoryado ang mga kadalanan sa syudad.
Gisaway usab ni La Viña ang pagpangabuso nga gihimo sa mga RTA ngadto na sa mga yanong mamaligyaay sa Cogon Market.
Siya miingon nga hangtud magpabilin nga walay disiplina sa kaugalingon, dili masulbad ang problema sa trapiko sa dakbayan.
mayoralty candidate Pompee La Viña
Gitin-aw ni incumbent City Mayor Oscar Moreno nga kabahin sa paglambo sa usa ka lugar ang pagkabukog sa dagan sa trapiko.
Apan, gibutyag niini nga wala siya nagpasagad sa problema sa trapiko sa dakbayan.
Miingon si Moreno nga kabahin ang iyang administrasyon nga nangusog sa programa sa Department of Public Works and Highways (DPWH) nga mangita’g alternatibo nga dalan aron dili mabukog sa trapiko sa syudad.
Dugang ni Moreno nga pinaagi sa istrikto nga implementasyon sa balaod sa kadalanan nga gipatuman sa mga sakop sa Road and Traffic Administration, naminusan ang problema sa trapiko sa syudad itandi sa ubang malamboon nga lugar.
Gani, gihagit ni Moreno si La Viña nga saksihan ang opening sa laing alternative roads atol sa iyang administrasyon.
