Gipahibalo sa Night Market Management Committee nga sukad pa sa pagsugod sa merkado, gi-awhag na gyud ang tanan vendors nga magpa-myembro aron mas hapsay ug mas organisado ang dagan sa pagpamaligya.
Tumong niini nga malikayan ang kalit-kalit nga pagdali-dali ug masiguro nga dili manglagpot ang ilang mga baligya. Apan, pipila gihapon ang wala mosunod sa lagda.
Tungod niini, nagbantay karon ang Roads and Traffic Administration (RTA) sa sitwasyon. Kahinumduman nga nag-viral sa social media ang usa ka video diin natumba ug nanga-lagpot sa kadalanan ang mga baligya sa pipila ka vendors nga nakadaot sa dungog sa mga RTA.
Subli, gidasig sa management committee ang tanan vendors nga mag-amping ug mosunod sa gihatag nga oras sa pagpamaligya aron malikayan ang disgrasya ug kagubot, labi na sa kadalanan, kay ang disiplina ug kooperasyon maoy yawe sa kalampusan sa night market ning atong dakbayan. (Jane Abulag)
