Bisan pa nga mokanaog sa iyang pwesto isip Commanding Officer sa 4th Infantry Diamond Division (4ID), mipasalig si MGen. Michelle Anayron nga magpabilin ang determinasyon sa division sa padayon nga paggukod sa nabiling armadong grupo sa rehiyon aron mas mapalig‑on ang kalinaw sa Mindanao.
Matod ni Anayron, adunay pa silang mga programang giplano ug ipatuman, lakip na ang pagpalig‑on sa reserve force ug uban pang capability‑building alang sa mga kasundalohan.
Giila usab niya ang kahinungdanon sa padayon nga suporta sa mga programa alang sa mga na‑rehabilitate ug sa mga nagbalik na sa malinawon nga kinabuhi.
Dugang pa niya, padayon ang ilang focus nga dili na makabalik ang New People’s Army pinaagi sa sustainment operations ug padayon nga presensya sa kabukiran.
Bisan pa sa hapit na niyang pagbiya sa pwesto, gipakita niya ang paglaum nga magpadayon ang kalamboan sa operasyon hangtod maabot ang target nga kahapsay sa rehiyon.
Sa pagkakaron, wala pa sumala niya’y opisyal nga gipahibalo ang Malacañang kung kinsa ang mopuli sa iyang posisyon isip commander sa 4ID.
