CAGAYAN DE ORO CITY – Gikadismaya sa Bureau of Customs o BoC ilabina sa Mindanao Container Terminal o MCT collector John Simon ang pakyas pagsikop sa National Bureau of Investigation o NBI batok sa tulo ka Korean nationals nga utok sa nasapon nga imported garbage sa Misamis Oriental gikan sa South Korea.
Kini bisan nga gilugwa na ni RTC Branch 39 Judge Marites Bernales ang warrant of arrest sa walo ka akusado diin naglakip sa tulo ka Koreano.
Namahayag si Simon nga gikatingala niini kon nganong hangtod karon wala pa gihapon masikop sila si Jae Ryang Cho,Chu Soo Chu ug Sena Na nga nagpasulod sa 5-mil ka tonelada sa mga basura sa lungsod sa Tagoloan niadtong Hulyo 2018.
Nagtoo si Simon nga dunay kakulangon ang NBI kabahin sa pagsilbi sa warrant of arrest batok sa mga Koryano.
