CAGAYAN DE ORO CITY-Kolektahon sa buhatan ni Gov Bambi Emano ang dul-ag 80 milyon pesos nga real property taxes gikan sa Mindanao International Container Terminal Services Inc. sa Tagoloan, Misamis Oriental ning tuiga.
Kini bisan nga nagdumili ang maong buhatan pagbayad ug gipamugos nga ubos sila sa Phividec Industrial Authority nga gidumala isip govt owned and controlled corporation.
Miingon sila si Provincial treasurer Ronald Jame Violon ug Provincial Asessor Marilyn Legaspi nga dili mahimo nga kanunay lamang motago sa anino sa Phividec Industrial Authority aron lamang makalikay pagbayad sa ilang obligasyon sa buhis sa probinsya.
Gipadal-an na sa makatulong higayon sa sulat sa probinsya ang maong ahensiya apan namugos kini nga exempted sila sa pagbayad sa buluhisan.
