Gimugna na sa Amerika ang Middle East Task Force aron matabangan ang mga U.S. citizens, diplomatic missions, ug personnel sa tunga sa gubat tali sa Israel ug Iran.
Namahayag si U.S. State Department Spokesperson Tammy Bruce, nga ang task force naglihok 24 oras kada adlaw aron masiguro nga ang mga Amerikano makadawat sa tukma nga impormasyon ug tabang kung kinahanglan.
Anaa na sa kapin 30 ka mga security alerts ang gipagawas sa task force ug gisiguro sa State Department nga ilang ginamonitor ang sitwasyon lakip na sa silingang mga nasud, sama sa Iraq, Jordan, ug uban pa.
Gipatuman usab sa Amerika ang travel ban sa Iran, Iraq ug sa Israel tungod sa delikadong kahimtang
