Pahigayonon sa Nobyembre 3 ang krusyal nga US Midterm Elections diin pilion sa mga butante ang 435 ka pwesto sa House of Representatives, bahin sa Senado, ug mga lokal nga opisyal.
Sa interbyu sa Bombo Radyo, namahayag si Bombo Senior International News Correspondent Dolly Ilogon nga magsilbing sukdanan ang maong piniliay sa sentimento sa mga taw sa unang duha ka tuig nga pangagamhanan ni President Donald Trump ug sa partido nga Republican.
Pinaagi niini, madetermina kon magpabilin ba ang kapaspas sa pagpasa og balaod sa White House kon modaog ang Republican o mag-atubang kini og dakong babag kon makuha sa Democrats ang kahagpangan.
Gani, nagpabilin ang kainit sa kampanya sa tibuok Estados Unidos samtang nagkaduol ang adlaw sa pagbotar sa mga Amerikano
