(Update) CAGAYAN DE ORO CITY – Mitala pa sa halos 80 ka pamilya ang apektado sa dakong sunog nga miigo sa kabalayan sa Zone 4-B, Sitio Tambo,Vamenta Boulevard,Brgy Carmen ning syudad.
Kini nunot sa padayong imbestigasyon sa Bureau of Fire Protection- Cagayan de Oro District nga sukad ang pag-ulbo sa kalayo kagahapon sa kadlawon.
Namahayag si BFP-CdeO District spokesperson SFO3 Imelda Barazan nga subay inisyal nga pakisusi,nagsumikad ang kalayo sa ikaduhang andana sa balay nga iya sa pamilyang Binarao.
Siya miingon nga wala pa sila’y gihuptang lig-ong basehan aron tumbukon nga depektosong linya sa koryente ang tinubdan sa kalayo.
Mitala sa 3 ka tawo ang angol apan dili grabe ug kantidad 2 milyones pesos ang inisyal nga structural damage sa hitabo.
