CAGAYAN DE ORO CITY – Nasuko nga gipanganti ni Lanao del Sur Police Provincial Office Dir. Col. Madzghani Mukaram nga panimaslan ang 11 ka suspek diin pipila niini mga sakop sa Moro Islamic Liberation Front o MILF nga mi-ambush patay sa iyang chief of police sa Binidayan Police Station.
Kini human brutal ang kamatayon ni Executive Master Sergeant Amen Lucman Macalangan ug civilain driver nga si Barangay Peacekeeping Action Team member Ramel Pangcatan nga pulos nagpuyo sa maong lugar.
Gipaulanag mga bala sa M14 ug M16 rifles samtang sakay sa police patrol sa boundary sa Binidayan Ganassi ug Pagayawan sa miaging gabii.
Miingon si Mukaram nga kuhaon nila nga buhi ug patay ang mga suspek gumikan sa kamatayon usab ni Macalangan.
Nasuta nga nasuko ang tag-iya sa smuggled cigarettes nga gikompiskar ni Macalangan hinungdan gi-ambush kini sa mga kabanay nga sakop sa MILF sa lugar.
