CAGAYAN DE ORO CITY-Giduso na sa liderato sa Moro Islamic Liberation Front o MILF ang mga pangalan sa ilang mga ginsakpan nga molangkob sa bag-ong Bangsamoro Autonomous Region in Muslim Mindanao o BARMM.
Kini human inisyal nga ratipikado na ang Bangsamoro Organic Law o BOL dihang gilusad sa ARMM ang plebesito.
Miingon si Bro.Mohaguer Iqbal,chairman sa peace implementing panel nga si MILF chairman Al-jadz Murad Ebrahim ang gituboy nila kang Pres Rodrigo Duterte nga mahimong interim chief prime minister sa natukod nga BARMM.
Giangkon ni Iqbal nga dakong hagit kanila nga panguluhan ang pagdumala sa BARMM oras nga mosugod na ang tahas niini.
