CAGAYAN DE ORO CITY-Magpabilin ang dakong suliran sa katawhan tungod sa kapakyasan nga mauban sa BARMM ang unom ka lungsod nga g gipaubos sa plebisito sa Lanao del Norte.
Kini ang reaksyon ni MILF peace implementing panel chief Mohaguer Iqbal nunot sa kadaugan sa no votes ngadto sa lalawigan.
Miingon si Iqbal nga unta gihatagan sa higayon sa katawhan ang kagustuhan sa unom ka lungsod aron makab-ot ang lahutay na nga kalinaw sa Lanao del Norte.
Hinoon,nalipay ang MILF sa boto nga nakuha sa unom ka lungsod kay nagpakita lamang kini nga tuyo nila makaangkon sa kabag-uhan kuyog ang BARMM.
Nasayran nga kabahin sa mga gusto mouban sa BARMM ang kalungsuran sa Balo-i,Munai,Nunungan,Pantar,Tagoloan Dos ug Tangkal nga nakakuha’g daghang yes votes apan nalupig sa mas daghang boto nga supak sa tibuok probinsya.
