CAGAYAN DE ORO CITY-Gitawag ni Lanao del Norte Gov Imelda Dimaporo ang Moro Islamic Liberation Front o MILF nga mga bakakon atubangan sa publiko.
Kini human unang giakusar sa MILF nga giharas sa mga Dimaporo ang mga botante nga dakong uyon nga
masulod sa Bangsamoro Region ang unom ka lungsod sa Lanao del Norte.
Miingon si Dimaporo nga gibali sa MILF ang sitwasyon kay ang tinood ang mga botante ang gihadlok nila aron mapugos pagbotar sa BOL plebisite nga mopabor kanila.
Una niini,gibutyag sa Bombo Radyo ni MILF North Western Mindanao Front legal counsel Atty Salahoden Benhamza nga gidid-an sa mga Dimaporo nga makahimo’g kampanya ang pro-BOL group sa Nunungan,Tangkal,Munai,Balo-i,Tagoloan Dos ug Pantar alang sa plebisito ning semanaha.
