CAGAYAN DE ORO CITY – Gipanghimakak sa militar ang akusasyon sa grupong Kalumbay Regional Lumad Organization nga miyembro sa Alamara Paramilitary Group ug mga CAFGU sa 8th IB ang mga suspek sa pagpatay kang Datu Mario Agsab.
Gibutyag ni 8th IB commanding officer Lt.Col. Ronald Illana nga dili mahimo sa militar ang pagpatay kang Datu Agsab tungod kay numero uno kini nga supporter sa ilang mga programa diha sa Barangay Iba, Cabanglasan Bukidnon.
Gani, giawhag ni Illana ang kapulisan nga paspasan ang pag-imbestigar kung kinsa ang mga suspek sa krimen ug motibo sa pagpatay sa lumad leader.
Una nang nagpaggawas pahayag ang Kalumbay nga sila si Sammy Diwangan ug Emboy Gayao ang mga suspek sa pagpatay sa biktima.
