CAGAYAN DE ORO CITY-Gipamatud-an ni Opol Municipal Mayor nga fake news ang gipakatag sa grupong Karapatan ug Kalumbay Lumad kalabot na sa pagkulata sa usa ka menor de edad sa miaging semana sa ilang dapit.
Pinaagi sa usa ka press conference, gipagtabo ni Mayor Maximino Seno ang biktima nga si John Paul Paburada ug ang tropa sa 65th IB sa pagpangulo ni Civil Military Officer 1st Lt. Criselle Renoblas.
Gihusay sa mayor ang pagsinukliay sa mahalang nga mga pinulungan sa pundok ni Paborada batok militar.
Nangayog pasaylo si Paborada sa militar ug naghangyo nga isibog ang ilang gipasakang kaso human iyang nadunggaban ang usa sa mga sakop ni Renoblas.
Sa hamubo nga higayon, gitin-aw ni Paborada nga siya ang sal-an sa hitabo kay nagmaoy siya sa usa ka kalingawan sa ilang barangay sa milabay’ng mga semana.
Una niini, nagduda ang militar sa sensiridad ni Paburada ug paningkamutan nila nga pasayloon ang nakadunggab sa ilang miyembro.
