CAGAYAN DE ORO CITY-Itukod sa militar ang dugang kampo sulod sa Marawi City, Lanao del Sur.
Kini isip kabahin sa reconstruction program sa gobierno sa maong syudad nga kanhi naguba gumikan sa pag-atake sa mga terorista sa tuig 2017.
Miingon si Zia Alonto Adiong, assemblyman sa 1st District sa ARMM nga suportado nila ang maong military camp construction aron dili na masudla’g mga terorista ang ilang dakbayan.
Dumduman nga sa pag-atake sa teroristang Maute-ISIS, misulod sila sa kasadpang bahin sa Marawi hinungdan nga wala mabantayi sa mga sundalo ug gilayong nagsabwag sa kagubot nga milungtad sa lima ka bulan.
