CAGAYAN DE ORO CITY-Giangkon sa liderato sa militar nga maglisod sila pagpukan sa Bangsamoro Islamic Freedom Fighters o BIFF nga dakong bahad sa seguridad sa nasud.
Kini kon dili motabang ang local govt units diin nakabase ang mga sakop sa teroristang grupo.
Gihimo ni 6th ID spokesperson Capt Arvin Encinas ang apelar nunot sa pagkabuthi’g bomba sa katawhan sa Insulan, Sultan Kudarat diin tulo ka tawo ang namatay sa miaging gabii.
Miingon si Encinas nga bisan nabahin sa tulo ka paksyon ang BIFF tungod sa bangi sa liderato apan managsama ang ilang katuyuan nga mohimo’g teroristang kalihukan kontra gobierno.
