CAGAYAN DE ORO CITY- Bakak ang pasiatab sa pundok sa rebeldeng New People’s Army o NPA nga may mga sundalo nga namatay o nasamdan sa pagbusikad sa eksplosibo sulod sa ilang kampo sa Sityo Miaray, Brgy. Manggaod, Cabanglasan, Bukidnon.
Kini maoy tubag sa militar kabahin sa sulat-pahayag nga gipadala sa nagpailang tigpamaba sa mga rebelde nga si Ka
Malem Mabini aron kontrahon ang propaganda sa gobierno.
Miingon si 1Lt Erwin Bugarin,hepe sa civil military operations sa 8th IB,Philippine Army nga maoy tinuod nga nagbaton sila sa usa ka sundalo nga samaron apan walay namatay.
Gihagit usab ni Bugarin si Ka Malem nga ipakita ang iyang pagkatawo ug dili magtakuban sa pag-alyas alyas lamang.
