CAGAYAN DE ORO CITY – Gikuwestiyon sa mga sakop sa konseho kon asa na ang nabiling pondo sa 30 milyones pesos nga gi-aloktar sa local school board aron ipaubos sa retro-fitting ang 52 ka lawak-saringan atol sa pagkasunog sa Central Central School sa tuig 2012.
Kini human unang mihimo’g special report si Konsehal Roger Abaday kon nganong pabiling wala gamita ang 52 ka classroom sukad nga gipaubos sa pag-ayo sa kanhi administrasyon ni late City Mayor Vicente ‘Dongkoy’ Emano.
Miingon si Kag. James Judith nga gusto masuta sa konseho kon nabilin pa ba sa maong pondo kay aron magamit sa angayang ipalambo sa maong tunghaan.
Apan pag-angkon usab ni education committee chairman Kag. Suzette Magtajas-Daba nga mahimo kini mapangayo’g special funding sa local school board.
Dumduman nga wala gamita sa administrasyon ni kanhi City Mayor Oscar Moreno ang maong retro-fitted school classrooms kay nagsumpaki ang findings sa City Office of the Building Official ug DPWH kaniadto.
Samtang prioridad nga magamit sa mga tinun-an ug mga magtutudlo kaysa ipasulabi ang pagkuwestiyon kon may pondo o wala na nga nabilin sa 52 ka lawak-saringan nga giayo diha sa City Central School.
Kini ang pag-depensa ni committee on infrastracture chairman SK Federation President John Michael Seno kabahin sa maong isyu.
Miingon si Seno nga dili ‘continuing funding ang gigamit nga salapi sa maong school repair hinungdang mahimo ra nga mapangitaan sa supplemental budget sa syudad.
