CAGAYAN DE ORO CITY – Nag-atubang sa kasong pagsupak Tax Reform Act of 1997 ang trak drayber nga unang nasignit sa mga pulis sa lungsod sa Sultan Naga Dimaporo,Lanao del Norte.
Miingon si Police Regional Office 10 spokesperson Maj Joann Navarro nga nadakpan ang suspek nga si alyas Boy Smuggler, 30 anyos nga taga-Rio Hondo,Zamboanga City samtang miagi sa road check point sa Purok 3,Brgy Koreo sa maong lungsod.
Matud ni Navarro nga nabawi sa mga otoridad ang 57 ka karton sa klase-klaseng mga sigarilyo nga inismagol nga dili ‘commnd brand’ nga makita dinhi sa nasud.
Kini ang rason nga gidakop nila ang suspek samtang gikompiskar ang iyang mga sigarilyo nga walay ensaktong labeling ug pagsunod sa balaod.
Tungod niini,halos 15 milyones pesos na ang nakompiskar sa PNP lower units sa mga sigarilyong peke nunot sa mas gipalig-on nga anti-smuggling operations palibot sa rehiyon.
