CAGAYAN DE ORO CITY – Gi-embargo sa gobierno ang balor 1.3 milyon pesos nga pinuy-anan sa miembro sa Kuratong Baleleng Drug Group o KUBAL nga naglihok diha sa Brgy Patag ning syudad.
Kini human dungan nga gisilbi sa taga- Anti-Money Laundering Council,Philippine Drugs Enforcement Unit ug PNP freeze order gikan sa Court of Appeals batok kang Rico Bacon nga sakop sa Parojinog Drug Syndicate sa Ozamiz City.
Miingon si PDEA 10 Director Emerson Rosales nga tuyo niini nga dili mabaligya ang maong asset ngadto sa laing tawo aron makalihok gihapon ang ilegal nga kalihukan sa mga sindikato.
Una nang nasikop si Bacon sa maong hide-out sa KUBAL members diin nakuhaan sa ilegal nga droga ug armas tuig 2017.
