CAGAYAN DE ORO CITY – Gilubong sa Bureau of Customs ug Dept of Agriculture ang balor sa minilyon nga ismagol nga bombay gikan sa China nga gipalusot sa pipila ka consignees nga walay papeles nga misulod sa Mindanao Container Terminal sa lungsod sa Tagoloan,Misamis Oriental.
Kini human nahukmi nga ipanglubong ang maong mga bombay aron dili na magamit sa mga sindikato nga mabaligya sa publiko.
Mismo si BoC District Collector Atty Elvira Cruz kuyog ang uban nila nga opisyal ug taga- DA ang misaksi sa pagdaot sa maong mga bombay sa Terra Cycliq Corporation nga nakabase sa Manolo Fortich,Bukidnon.
Una nang nabawian sa Customs ang consignees nga R2H Trading ug EMV Consumer Goods Trading sa maong kontrabando kay walay igong mga papeles.
Hisayrang sobra 200 milyon pesos nga balor na sa mga bombay ang nakompiskar sa Customs ug DA sugod Agosto hangtod Nobyembre ning tuiga.
