Misaka pa sa kapin 40 degrees sentigrado ang kaigang o “heat index” sa daghang bahin sa Southern Luzon. Ning adlawa ang San Jose Occidental Mindoro, maigo sa 42°C heat index epekto sa Easterlies. Ang Coron Palawan, Echague Isabela, Dagupan City Pangasinan, pulos makasinati sa 40°C heat index. Samtang ang pinakabugnaw nga bahin sa Pilipinas nagbaton lamang sa 20-25°C heat index. Kini gilangkoban sa Baguio City, La Trinidad ug Tuba Benguet.
Ang Metro Manila – National Capital Region (NCR) makasinati sa maayong lakat sa panahon sa tibook adlaw. Kasarangan padulong sa kusog ang huyop sa hangin nga muabot sa 24km matag oras ilabe na sa bandang alas 5 sa hapon. Ang peak sa heat index anaa sa alas 2 sa hapon kundiin mabati ang tumang kaigan sa temperatura nga 38°C.
Ang Central Visayas adunay 30% chance of rain sa hapon ug panagsang pagdag-um hangtud sa pagpat-ak pat-ak sa ulan sa udto. Ang huyop sa hangin anaa sa 12km matag oras. Ang pinaka-igang nga porsyon sa adlaw anaa sa alas-11 hangtud alas 3 sa hapon tungod sa 35°C nga heat index.
Ang Eastern Visayas halos walay tsansa sa pag-ulan o makasinati sa fine weather sa tibook adlaw. Ang Western Visayas adunay kasarangan padulong sa kusog nga huyop sa hangin nga muabot sa 27km matag oras ilabe na sa alas 4 sa hapon. Ang tumang kaigang mabati sa pagka-alas 10 hangtud sa alas 2 sa hapon tungod sa heat index nga 38°C.
Dinhi sa Mindanao, ang syudad sa Cagayan de Oro ug probinsya sa Misamis Oriental pulos makasinati sa 36°C nga heat index ilabe na sa alas-12 hangtud sa alas-3 sa hapon. Nipis lamang ang tsansa sa pag-ulan apa adunay matagamtam nga pagpanag-um. Ang huyop sa hangin anaa sa 14m matag oras ilabe na sa alas-2 sa hapon. Ang Bukidnon adunay kasarangan nga paghuyop sa hanging sa tibook adlaw nga anaa sa 18-25km matag oras. Kini nagpasabot nga nagkabugnaw ang temperatura sa buntag apan ang probinsya maigo usab sa heat index nga muabot sa 37°C alas-11 hangtud sa alas-4 sa hapon.
