Gisaway sa DDS Sara All Confederation ang gihulagway nga ginabuhat nga mind conditioning aron dali nga makonbikto si Bise Presidente Sara Duterte sa nagpadayong impeachment trial.
Gitin-aw ni DDS Sara All Confederation Legal Counsel Atty. Raymond Batu nga gigamit sa prosekusyon ang pampublikong paggawas sa mga akusasyon aron ikondisyon ang opinyon sa katawhan bisan pa man sa kawal-on og lig-ong ebidensya.
Gitin-aw sa abogado nga nakita ang dayag nga pagkiling sa pipila ka senator-judges diin gipatuman usab ang pagpaubos sa threshold aron mas dali nga makuha ang kinahanglang boto sa senado.
Dugang pa ni Batu, mibarog ang grupo nga adunay mas hait ug paborableng pagpasabot ang defense team hinungdan nga dili angay nga magpa-prejudge ang komunidad sa maong isyu.
