Paslak na sa prisohan ang usa ka high-ranking leader sa New People’s Army (NPA) human ang malampusong joint military ug police operation sa Barangay Indahag, ning syudad.
Giila ni Major General Ronald Gumiran, commander sa 6th Infantry Division ang dinakpan nga si Edward J. Flores.
Unang namahayag si Brigadier General Michael Santos, commander sa 603rd Infantry Brigade, nga si Flores nailhan sa daghang alyas sama sa Cess, Ruby, Rafa, ug Ramon.
Siya ang gituohan nga secretary general sa Far South Mindanao Region (FSMR) sa NPA, nga naglihok sa Region XII, lakip ang mga probinsya sa Cotabato, Sultan Kudarat, Sarangani, ug General Santos City.
Si Flores nag-atubang sa daghang kaso kriminal, sama sa Murder sa Tagum City, Davao del Norte; Multiple attempted homicide sa Surallah, South Cotabato; Murder sa Isulan, Sultan Kudarat; ug Paglapas sa Anti-Terrorism Act of 2020 sa Isulan, Sultan Kudarat.
Sa maong operasyon narekober sa mga otoridad ang Colt .45 pistol, fragmentation grenade, ug smartphone nga gituohan nga adunay sensitibong komunikasyon.
Mamugos ang 6ID nga nagtagu-tagu si Flores sa hinterland nga barangay sa Cagayan de Oro kay mihuyang na ang gahum sa ilang grupo.
