CAGAYAN DE ORO CITY, Philippines – Atensyon sa tanan residente aa Mindanao, partikular dinhi sa Northern Mindanao.
Dunay Low Pressure Area (LPA) nga nasiplatan sa gilay-ong 235 kilometros Sidlakang bahin sa General Santos.
Kini nga LPA, anaa sulod sa Inter Tropical Convergence Zone (ITCZ) nga nagpasulabi sa tibook Mindanao.
Kini ang rason nga ulanon tibook adlaw ang daghang basin sa isla, buntag hangtud gabie, alang sa sunod 24 oras.
Kini nga mga pag-ulan mahimong inday inday lamang ug dunay taas nga tsansa nga mukusog ang pag-ulan ug mulahutay sulod sa duha hangtud 3 ka oras.
Taas gihapon ang tsansa sa mga pagbaha ug pagdahili sa yuta ilabe na sa mga flood prone ug land slide prone area.
Ang Bicol Region, Eastern & Central Visayas, Quirino, Aurora ug Quezon, padayong apektado sa Easterlies, kuyog ang Manila-NCR area.
Localized thunderstorms ang mupasulabi sa maong mga lugar.
