CAGAYAN DE ORO CITY – Mo-sentro sa pagtuki sa kasiguruhan nga kanunay magbaton sa suplay sa koryente ang ilusad nga duha ka adlaw nga Mindanao Power Summit didto sa Iligan City sunod semana.
Kini alayon sa panagtagbo sa tanang energy stakeholders nga nakabase sa Mindanao sa maong tigom sa petsa 30 ug 31 ning bulana.
Namahayag si Raymundo Talimio Jr,co-chairperson sa economic devt council sa NEDA-10 nga gusto usab matuki sa maong panagtapok ang sulbad sa taas nga bayrunon sa koryente kada-kilowatt hour dinhi sa Mindanao.
Kini tungod kay mas mahal pa ang presyo sa koryente sa Mindanao consumers itandi didto sa kauluhan.
Dugang ni Talimio nga anaa lang sa 9 ngadto 10 pesos kada-kilowatt ang palit sa korytente sa kauluhan itandi sa 17 pesos sa Mindanao.
Dagha’g kakuhaan sa koryente ang Mindanao sama sa hyrdo,adlaw,uling ug ubang renewable energy apan katingad-an pabiling mahal ang presyo kada-kilowatrahe.
Hisayrang paghuman sa power summit sa Mindanao nga gilauman tambungan tali Sen Raffy Tulfo o Sen Pia Cayetano,sundan gilayon kini sa national power summit nga himoon didto na sa kauluhan sa Hunyo ning tuiga.
