CAGAYAN DE ORO CITY – Gidid-an na ang mga tawo nga gikan sa laing mga rehiyon sa Mindanao nga makasulod sa Misamis Oriental.
Kini subay sa pinal nga mando ni Gov Bambi Emano nunot sa gipatuman nga general comprehensive community quarantine sa lalawigan.Kini aron mabatukan ang coronavirus disease nga dakong bahad sa panglawas sa tawo.
Miingon si Emano nga gawas lamang kon cargo,importante ang tuyo ug mopasar sa gisitar nga rekisitos ang mga tawo nga mosulod sa probinsya ang mahatagan kini sa konsiderasyon.
Hisayrang gusto ni City Mayor Oscar Moreno nga unified community quarantine ang ipatuman sa Misamis Oriental ingon man sa syudad ug pipila ka lungsod sa Bukidnon.
